- وهاي يا ستّي فنجان القهوة اللي طلبتيه..
- يسلموا ايديك.. بس هيك قهوة عالناشف؟
- عالناشف؟ بدّك معها تمر يعني ولا شو؟
- لا مش تمر.. بس زمان كنت لمّا تعمل لي قهوة تقعد تتغزل فيّ وتقول لي قديش بتحبّني..ويا حلوة الحلوات.. يا قمر الزمان.. يا فانوس العتمة.. هيك شي من كلامك الحلو.. هلأ بحّ.. عالناشف صار الموضوع.. هاي القهوة.. ووجه مكشّر..
ضحكة خفيفة..
- بتعرفي؟
- قول..
- في اسم من أسماء ربّنا في القرآن، أنا جدّاً بحبه.. وفي ناس كثير أصلاً ما بتعرفه.. اللي هو المحيط..
- المحيط؟
- اه.. من أسماء ربّنا عزّ وجلّ المحيط.. وأصل الكلمة أحاط.. وأحاط بالشيء يعني ما ترك له منفذ.. أو زي ما بقولوا العرب، أحاط به إحاطة السوار بالمعصم..
- أها..
- ومنها كلمة حائط، اللي يحيط بالبيت.. المهم إنّي اللي بحبّه في اسم المحيط والفعل أحاط أو أحيط، إنّ ربّ العالمين لمّا يستخدمه في القرآن، ما بحتاج القارىء بعده أي شرح أو تفصيل.. يعني شوفي آية زي “وأحيط بثمره” في سورة الكهف.. “أحيط بثمره” خلص انتهى الموضوع، ولا ثمرة واحدة نجت.. هاي هي الإحاطة.. إفناء كامل مختصر.. وما في داعي لأي تفاصيل بعد هيك..
- أها.. حلوة الكلمة هاي.. فعلاً.. درس لغة عربية جميل..
- وانتِ حُبِّك أحاط بقلبي..
https://civil.acccnetwork.com/wp-admin/post.php?post=12298&action=edit
